يا دار.......شعر عامي.
يا دار جيت أسألك والدمع أنهار
جيت اسألك عن الأهل والأحباب
الكانوا يضحكوا ويضحك معن زهر البيلسان
ويلعبوا ويلعب معن عصفور هالبستان
الكانوا يكبروا وتكبر معن احلام الزمان
هونيك عاطراف الزكن كان يمشي العمر
مثل عملاق عامل دنجوان
هونيك كنت اسمع حدا يدق عبوابي
هونيك كان ورد الليل يضوي على حبابي
هونيك كان هالعمر الشقي
يسطر كلام الحب في كتابي
وبالقلب كان الحلم غفيان
يا دار و:ين راحوا كل أحبابي؟
يا دار؛ في أي أرض خيموا اصحابي؟
هل ضاعوا ؤضيعن عتم الطريق؟
يا دار وين الكان الشخ يفرح معن
وكان يحكيلن حكاياتو زمان
نام الشيخ والحلم غافي معو
وصار الثلج يبكي مثل طفل زعلان
وقبل متعربش الأيام عالجدران
كان العمر ماشي صوب هالبستان
وقبل ما يرجعوا الكانو يضحكوا
نام العمر والشيخ ناطر عالطريق
لا هو صحي ولا حدا منن رجع
وضل الحلم نايم عاحد الغفا
وضليت أتذكر وابكي وشوف هالجدران
بلكي بيرجعوا بيعمروا الحيطان
وبترجعي يا دار متل ما كنتي زمان
جرجس لفلوف سورية
يا دار جيت أسألك والدمع أنهار
جيت اسألك عن الأهل والأحباب
الكانوا يضحكوا ويضحك معن زهر البيلسان
ويلعبوا ويلعب معن عصفور هالبستان
الكانوا يكبروا وتكبر معن احلام الزمان
هونيك عاطراف الزكن كان يمشي العمر
مثل عملاق عامل دنجوان
هونيك كنت اسمع حدا يدق عبوابي
هونيك كان ورد الليل يضوي على حبابي
هونيك كان هالعمر الشقي
يسطر كلام الحب في كتابي
وبالقلب كان الحلم غفيان
يا دار و:ين راحوا كل أحبابي؟
يا دار؛ في أي أرض خيموا اصحابي؟
هل ضاعوا ؤضيعن عتم الطريق؟
يا دار وين الكان الشخ يفرح معن
وكان يحكيلن حكاياتو زمان
نام الشيخ والحلم غافي معو
وصار الثلج يبكي مثل طفل زعلان
وقبل متعربش الأيام عالجدران
كان العمر ماشي صوب هالبستان
وقبل ما يرجعوا الكانو يضحكوا
نام العمر والشيخ ناطر عالطريق
لا هو صحي ولا حدا منن رجع
وضل الحلم نايم عاحد الغفا
وضليت أتذكر وابكي وشوف هالجدران
بلكي بيرجعوا بيعمروا الحيطان
وبترجعي يا دار متل ما كنتي زمان
جرجس لفلوف سورية
ليست هناك تعليقات:
إرسال تعليق